Vulgata Clementina
Psalmi 119
1Canticum graduum. Ad Dominum cum tribularer clamavi, et exaudivit me.
2Domine, libera animam meam a labiis iniquis et a lingua dolosa.
3Quid detur tibi, aut quid apponatur tibi ad linguam dolosam?
4Sagittae potentis acutae, cum carbonibus desolatoriis.
5Heu mihi, quia incolatus meus prolongatus est! habitavi cum habitantibus Cedar;
6multum incola fuit anima mea.
7Cum his qui oderunt pacem eram pacificus; cum loquebar illis, impugnabant me gratis.
