Collatio
Psalmi 25
Vulgata Clementina et Septuaginta (editio Sixtina, 1587), versu post versum.
| Vulgata Clementina | Septuaginta (editio Sixtina, 1587) | |
|---|---|---|
| 1 | In finem. Psalmus David. Iudica me, Domine, quoniam ego in innocentia mea ingressus sum, et in Domino sperans non infirmabor. | Τοῦ Δαυίδ. Κρίνον με, Κύριε, ὅτι ἐγὼ ἐν ἀκακίᾳ μου ἐπορεύθην, καὶ ἐπὶ τῷ Κυρίῳ ἐλπίζων οὐ μὴ σαλευθῶ. |
| 2 | Proba me, Domine, et tenta me; ure renes meos et cor meum. | Δοκίμασόν με, Κύριε, καὶ πείρασόν με, πύρωσον τοὺς νεφρούς μου καὶ τὴν καρδίαν μου. |
| 3 | Quoniam misericordia tua ante oculos meos est, et complacui in veritate tua. | Ὅτι τὸ ἔλεός σου κατέναντι τῶν ὀφθαλμῶν μου ἐστὶ, καὶ εὐηρέστησα ἐν τῇ ἀληθείᾳ σου. |
| 4 | Non sedi cum concilio vanitatis, et cum iniqua gerentibus non introibo. | Οὐκ ἐκάθισα μετὰ συνεδρίου ματαιότητος, καὶ μετὰ παρανομούντων οὐ μὴ εἰσέλθω· |
| 5 | Odivi ecclesiam malignantium, et cum impiis non sedebo. | Ἐμίσησα ἐκκλησίαν πονηρευομένων, καὶ μετὰ ἀσεβῶν οὐ μὴ καθίσω. |
| 6 | Lavabo inter innocentes manus meas, et circumdabo altare tuum, Domine: | Νίψομαι ἐν ἀθώοις τὰς χεῖράς μου, καὶ κυκλώσω τὸ θυσιαστήριόν σου, Κύριε· |
| 7 | ut audiam vocem laudis, et enarrem universa mirabilia tua. | Τοῦ ἀκοῦσαι φωνῆς αἰνέσεως, καὶ διηγήσασθαι πάντα τὰ θαυμάσιά σου. |
| 8 | Domine, dilexi decorem domus tuae, et locum habitationis gloriae tuae. | Κύριε, ἠγάπησα εὐπρέπειαν οἴκου σου, καὶ τόπον σκηνώματος δόξης σου. |
| 9 | Ne perdas cum impiis, Deus, animam meam, et cum viris sanguinum vitam meam: | Μὴ συναπολέσῃς μετὰ ἀσεβῶν τὴν ψυχήν μου, καὶ μετὰ ἀνδρῶν αἱμάτων τὴν ζωήν μου, |
| 10 | in quorum manibus iniquitates sunt; dextera eorum repleta est muneribus. | ὧν ἐν χερσὶν ἀνομίαι, ἡ δεξιὰ αὐτῶν ἐπλήσθη δώρων. |
| 11 | Ego autem in innocentia mea ingressus sum; redime me, et miserere mei. | Ἐγὼ δὲ ἐν ἀκακίᾳ μου ἐπορεύθην, λύτρωσαί με καὶ ἐλέησόν με. |
| 12 | Pes meus stetit in directo; in ecclesiis benedicam te, Domine. | Ὁ ποῦς μου ἔστη ἐν εὐθύτητι, ἐν ἐκκλησίαις εὐλογήσω σε Κύριε. |
