Collatio
Psalmi 117
Vulgata Clementina et Septuaginta (editio Sixtina, 1587), versu post versum.
| Vulgata Clementina | Septuaginta (editio Sixtina, 1587) | |
|---|---|---|
| 1 | Alleluia. Confitemini Domino, quoniam bonus, quoniam in saeculum misericordia eius. | Ἀλληλούϊα. Ἐξομολογεῖσθε τῷ Κυρίῳ, ὅτι ἀγαθὸς, ὅτι εἰς τὸν αἰῶνα τὸ ἔλεος αὐτοῦ. |
| 2 | Dicat nunc Israël: Quoniam bonus, quoniam in saeculum misericordia eius. | Εἰπάτω δὴ οἶκος Ἰσραὴλ, ὅτι ἀγαθὸς, ὅτι εἰς τὸν αἰῶνα τὸ ἔλεος αὐτοῦ. |
| 3 | Dicat nunc domus Aaron: Quoniam in saeculum misericordia eius. | Εἰπάτω δὴ οἶκος Ἀαρὼν, ὅτι ἀγαθὸς, ὅτι εἰς τὸν αἰῶνα τὸ ἔλεος αὐτοῦ. |
| 4 | Dicant nunc qui timent Dominum: Quoniam in saeculum misericordia eius. | Εἰπάτωσαν δὴ πάντες οἱ φοβούμενοι τὸν Κύριον, ὅτι ἀγαθὸς, ὅτι εἰς τὸν αἰῶνα τὸ ἔλεος αὐτοῦ. |
| 5 | De tribulatione invocavi Dominum, et exaudivit me in latitudine Dominus. | Ἐκ θλίψεως ἐπεκαλεσάμην τὸν Κύριον, καὶ ἐπήκουσέ μου εἰς πλατυσμόν. |
| 6 | Dominus mihi adiutor; non timebo quid faciat mihi homo. | Κύριος ἐμοὶ βοηθὸς, καὶ οὐ φοβηθήσομαι τί ποιησει μοι ἄνθρωπος. |
| 7 | Dominus mihi adiutor, et ego despiciam inimicos meos. | Κύριος ἐμοὶ βοηθὸς, κᾀγὼ ἐπόψομαι τοὺς ἐχθρούς μου. |
| 8 | Bonum est confidere in Domino, quam confidere in homine. | Ἀγαθὸν πεποιθέναι ἐπὶ Κύριον, ἢ πεποιθέναι ἐπʼ ἄνθρωπον. |
| 9 | Bonum est sperare in Domino, quam sperare in principibus. | Ἀγαθὸν ἐλπίζειν ἐπὶ Κύριον, ἢ ἐλπίζειν ἐπʼ ἄρχουσι. |
| 10 | Omnes gentes circuierunt me, et in nomine Domini, quia ultus sum in eos. | Πάντα τὰ ἔθνη ἐκύκλωσάν με, καὶ τῷ ὀνόματι Κυρίου ἠμυνάμην αὐτούς· |
| 11 | Circumdantes circumdederunt me, et in nomine Domini, quia ultus sum in eos. | Κυκλώσαντες ἐκύκλωσάν με, καὶ τῷ ὀνόματι Κυρίου ἠμυνάμην αὐτούς· |
| 12 | Circumdederunt me sicut apes, et exarserunt sicut ignis in spinis: et in nomine Domini, quia ultus sum in eos. | Ἐκύκλωσάν με ὡσεὶ μέλισσαι κηρίον, καὶ ἐξεκαύθησαν ὡς πῦρ ἐν ἀκάνθαις, καὶ τῷ ὀνόματι Κυρίου ἠμυνάμην αὐτούς. |
| 13 | Impulsus eversus sum, ut caderem, et Dominus suscepit me. | Ὠσθεὶς ἀνετράπην τοῦ πεσεῖν, καὶ ὁ Κύριος ἀντελάβετό μου. |
| 14 | Fortitudo mea et laus mea Dominus, et factus est mihi in salutem. | Ἰσχύς μου καὶ ὕμνησίς μου ὁ Κύριος, καὶ ἐγένετό μοι εἰς σωτηρίαν. |
| 15 | Vox exsultationis et salutis in tabernaculis iustorum. | Φωνὴ ἀγαλλιάσεως καὶ σωτηρίας ἐν σκηναῖς δικαίων· δεξιὰ Κυρίου ἐποίησε δύναμιν, |
| 16 | Dextera Domini fecit virtutem; dextera Domini exaltavit me: dextera Domini fecit virtutem. | δεξιὰ Κυρίου ὕψωσέ με· δεξιὰ Κυρίου ἐποίησε δύναμιν. |
| 17 | Non moriar, sed vivam, et narrabo opera Domini. | Οὐκ ἀποθανοῦμαι, ἀλλὰ ζήσομαι, καὶ διηγήσομαι τὰ ἔργα Κυρίου. |
| 18 | Castigans castigavit me Dominus, et morti non tradidit me. | Παιδεύων ἐπαίδευσέ με ὁ Κύριος, καὶ τῷ θανάτῳ οὐ παρέδωκέ με. |
| 19 | Aperite mihi portas iustitiae: ingressus in eas confitebor Domino. | Ἀνοίξατέ μοι πύλας δικαιοσύνης, εἰσελθὼν ἐν αὐταῖς ἐξομολογήσομαι τῷ Κυρίῳ. |
| 20 | Haec porta Domini: iusti intrabunt in eam. | Αὕτη ἡ πύλη τοῦ Κυρίου, δίκαιοι εἰσελεύσονται ἐν αὐτῇ. |
| 21 | Confitebor tibi quoniam exaudisti me, et factus es mihi in salutem. | Ἐξομολογήσομαί σοι, ὅτι ἐπήκουσάς μου, καὶ ἐγένου μου εἰς σωτηρίαν. |
| 22 | Lapidem quem reprobaverunt aedificantes, hic factus est in caput anguli. | Λίθον ὃν ἀπεδοκίμασαν οἱ οἰκοδομοῦντες, οὗτος ἐγενήθη εἰς κεφαλὴν γωνίας. |
| 23 | A Domino factum est istud, et est mirabile in oculis nostris. | Παρὰ Κυρίου ἐγένετο αὕτη, καὶ ἔστι θαυμαστὴ ἐν ὀφθαλμοῖς ἡμῶν. |
| 24 | Haec est dies quam fecit Dominus; exsultemus, et laetemur in ea. | Αὕτη ἡ ἡμέρα ἣν ἐποίησεν ὁ Κύριος, ἀγαλλιασώμεθα καὶ εὐφρανθῶμεν ἐν αὐτῇ. |
| 25 | O Domine, salvum me fac; o Domine, bene prosperare. | Ὦ Κύριε σῶσον δὴ, ὦ Κύριε εὐόδωσον δή. |
| 26 | Benedictus qui venit in nomine Domini: benediximus vobis de domo Domini. | Εὐλογημένος ὁ ἐρχόμενος ἐν ὀνόματι Κυρίου· εὐλογήκαμεν ὑμᾶς ἐξ οἴκου Κυρίου. |
| 27 | Deus Dominus, et illuxit nobis. Constituite diem solemnem in condensis, usque ad cornu altaris. | Θεὸς Κύριος, καὶ ἐπέφανεν ἡμῖν· συστήσασθε ἑορτὴν ἐν τοῖς πυκάζουσιν, ἕως τῶν κεράτων τοῦ θυσιαστηρίου. |
| 28 | Deus meus es tu, et confitebor tibi; Deus meus es tu, et exaltabo te. Confitebor tibi quoniam exaudisti me, et factus es mihi in salutem. | Θεός μου εἶ σὺ, καὶ ἐξομολογήσομαί σοι· Θεός μου εἶ σὺ, καὶ ὑψώσω σε· ἐξομολογήσομαί σοι, ὅτι ἐπήκουσάς μου, καὶ ἐγένου μοι εἰς σωτηρίαν. |
| 29 | Confitemini Domino, quoniam bonus, quoniam in saeculum misericordia eius. | Ἐξομολογεῖσθε τῷ Κυρίῳ, ὅτι ἀγαθὸς, ὅτι εἰς τὸν αἰῶνα τὸ ἔλεος αὐτοῦ. |
