I Paralipomenon 8

¹Beniamin autem genuit Bale primogenitum suum, Asbel secundum, Ahara tertium, ²Nohaa quartum, et Rapha quintum. ³Fueruntque filii Bale: Addar, et Gera, et Abiud, ⁴Abisue quoque et Naaman, et Ahoë, ⁵sed et Gera, et Sephuphan, et Huram.

⁶Hi sunt filii Ahod, principes cognationum habitantium in Gabaa, qui translati sunt in Manahath. ⁷Naaman autem, et Achia, et Gera, ipse transtulit eos, et genuit Osa, et Ahiud.

⁸Porro Saharaim genuit in regione Moab, postquam dimisit Husim et Bara uxores suas. ⁹Genuit autem de Hodes uxore sua Iobab, et Sebia, et Mosa, et Molchom, ¹⁰Iehus quoque, et Sechia, et Marma: hi sunt filii eius principes in familiis suis. ¹¹Mehusim vero genuit Abitob et Elphaal. ¹²Porro filii Elphaal: Heber, et Misaam, et Samad: hic aedificavit Ono, et Lod, et filias eius.

¹³Baria autem et Sama principes cognationum habitantium in Aialon: hi fugaverunt habitatores Geth. ¹⁴Et Ahio, et Sesac, et Ierimoth, ¹⁵et Zabadia, et Arod, et Heder, ¹⁶Michaël quoque, et Iespha, et Ioha filii Baria. ¹⁷Et Zabadia, et Mosollam, et Hezeci, et Heber, ¹⁸et Iesamari, et Iezlia, et Iobab filii Elphaal, ¹⁹et Iacim, et Zechri, et Zabdi, ²⁰et Elioënai, et Selethai, et Eliel, ²¹et Adaia, et Baraia, et Samarath, filii Semei. ²²Et Iespham, et Heber, et Eliel, ²³et Abdon, et Zechri, et Hanan, ²⁴et Hanania, et Aelam, et Anathothia, ²⁵et Iephdaia, et Phanuel, filii Sesac. ²⁶Et Samsari, et Sohoria, et Otholia, ²⁷et Iersia, et Elia, et Zechri, filii Ieroham. ²⁸Hi patriarchae, et cognationum principes, qui habitaverunt in Ierusalem.

²⁹In Gabaon autem habitaverunt Abigabaon, et nomen uxoris eius Maacha: ³⁰filiusque eius primogenitus Abdon, et Sur, et Cis, et Baal, et Nadab, ³¹Gedor quoque, et Ahio, et Zacher, et Macelloth: ³²et Macelloth genuit Samaa: habitaveruntque ex adverso fratrum suorum in Ierusalem cum fratribus suis. ³³Ner autem genuit Cis, et Cis genuit Saul. Porro Saul genuit Ionathan, et Melchisua, et Abinadab, et Esbaal. ³⁴Filius autem Ionathan, Meribbaal: et Meribbaal genuit Micha. ³⁵Filii Micha, Phithon, et Melech, et Tharaa, et Ahaz. ³⁶Et Ahaz genuit Ioada, et Ioada genuit Alamath, et Azmoth, et Zamri: porro Zamri genuit Mosa, ³⁷et Mosa genuit Banaa, cuius filius fuit Rapha, de quo ortus est Elasa, qui genuit Asel. ³⁸Porro Asel sex filii fuerunt his nominibus: Ezricam, Bocru, Ismahel, Saria, Obdia, et Hanan: omnes hi filii Asel. ³⁹Filii autem Esec fratris eius, Ulam primogenitus, et Iehus secundus, et Eliphalet tertius. ⁴⁰Fueruntque filii Ulam viri robustissimi, et magno robore tendentes arcum: et multos habentes filios ac nepotes, usque ad centum quinquaginta. Omnes hi filii Beniamin.