I Paralipomenon 3

¹David vero hos habuit filios, qui ei nati sunt in Hebron: primogenitum Amnon ex Achinoam Iezrahelitide, secundum Daniel de Abigail Carmelitide,

²tertium Absalom filium Maacha filiae Tholmai regis Gessur, quartum Adoniam filium Aggith, ³quintum Saphathiam ex Abital, sextum Iethraham de Egla uxore sua. ⁴Sex ergo nati sunt ei in Hebron, ubi regnavit septem annis et sex mensibus. Triginta autem et tribus annis regnavit in Ierusalem. ⁵Porro in Ierusalem nati sunt ei filii, Simmaa, et Sobab, et Nathan, et Salomon, quatuor de Bethsabee filia Ammiel: ⁶Iebaar quoque et Elisama, ⁷et Eliphaleth, et Noge, et Nepheg, et Iaphia, ⁸necnon Elisama, et Eliada, et Elipheleth, novem:

⁹omnes hi, filii David absque filiis concubinarum: habueruntque sororem Thamar.

¹⁰Filius autem Salomonis, Roboam: cuius Abia filius genuit Asa. De hoc quoque natus est Iosaphat, ¹¹pater Ioram: qui Ioram genuit Ochoziam, ex quo ortus est Ioas: ¹²et huius Amasias filius genuit Azariam. Porro Azariae filius Ioatham ¹³procreavit Achaz patrem Ezechiae, de quo natus est Manasses. ¹⁴Sed et Manasses genuit Amon patrem Iosiae.

¹⁵Filii autem Iosiae fuerunt: primogenitus Iohanan, secundus Ioakim, tertius Sedecias, quartus Sellum. ¹⁶De Ioakim natus est Iechonias, et Sedecias. ¹⁷Filii Iechoniae fuerunt: Asir, Salathiel, ¹⁸Melchiram, Phadaia, Senneser, et Iecemia, Sama, et Nadabia. ¹⁹De Phadaia orti sunt Zorobabel et Semei. Zorobabel genuit Mosollam, Hananiam, et Salomith sororem eorum: ²⁰Hasaban quoque, et Ohol, et Barachian, et Hasadian, Iosabhesed, quinque. ²¹Filius autem Hananiae, Phaltias pater Ieseiae, cuius filius Raphaia: huius quoque filius, Arnan, de quo natus est Obdia, cuius filius fuit Sechenias. ²²Filius Secheniae, Semeia: cuius filii Hattus, et Iegaal, et Baria, et Naaria, et Saphat, sex numero. ²³Filius Naariae, Elioënai, et Ezechias, et Ezricam, tres. ²⁴Filii Elioënai, Oduia, et Eliasub, et Pheleia, et Accub, et Iohanan, et Dalaia, et Anani, septem.