Feria V, 10 Decembris 2026
Feria quinta, hebdomada secunda Adventus
- Violaceus
- Annus impar
- Psalterii hebdomada 2
Memoria ad libitum: B. Mariae Virginis de Loreto
Evangelium · Mt 11, 11-15
Inter natos mulierum non surrexit maior Ioanne Baptista
Qui habet aures audiendi, audiat
Lectiones Missae
Lectio libri Isaiae prophetae
Noli timere, ego adiuvi te, dicit Dominus, redemptor tuus Sanctus Israël
Quia ego Dominus Deus tuus, apprehendens manum tuam, dicensque tibi: Ne timeas: ego adiuvi te. 14Noli timere, vermis Iacob, qui mortui estis ex Israël: ego auxiliatus sum tibi, dicit Dominus, et redemptor tuus Sanctus Israël. 15Ego posui te quasi plaustrum triturans novum, habens rostra serrantia; triturabis montes, et comminues, et colles quasi pulverem pones. 16Ventilabis eos, et ventus tollet, et turbo disperget eos; et tu exsultabis in Domino, in Sancto Israël laetaberis. 17Egeni et pauperes quaerunt aquas, et non sunt; lingua eorum siti aruit. Ego Dominus exaudiam eos, Deus Israël, non derelinquam eos. 18Aperiam in supinis collibus flumina, et in medio camporum fontes: ponam desertum in stagna aquarum, et terram inviam in rivos aquarum. 19Dabo in solitudinem cedrum, et spinam, et myrtum, et lignum olivae; ponam in deserto abietem, ulmum, et buxum simul: 20ut videant, et sciant, et recogitent, et intelligant pariter, quia manus Domini fecit hoc, et Sanctus Israël creavit illud.
Verbum Domini.
Psalmus responsorius · Ps 144, 1.9-13
Miserator et misericors Dominus; regnum eius regnum omnium saeculorum
Miserator et misericors Dominus: patiens, et multum misericors.
1Laudatio ipsi David. Exaltabo te, Deus meus rex, et benedicam nomini tuo in saeculum, et in saeculum saeculi. 9Suavis Dominus universis, et miserationes eius super omnia opera eius. 10Confiteantur tibi, Domine, omnia opera tua, et sancti tui benedicant tibi. 11Gloriam regni tui dicent, et potentiam tuam loquentur: 12ut notam faciant filiis hominum potentiam tuam, et gloriam magnificentiae regni tui. 13Regnum tuum regnum omnium saeculorum; et dominatio tua in omni generatione et generationem. Fidelis Dominus in omnibus verbis suis, et sanctus in omnibus operibus suis.
Miserator et misericors Dominus: patiens, et multum misericors.
Lectio sancti Evangelii secundum Matthaeum
Inter natos mulierum non surrexit maior Ioanne Baptista
Acclamatio ante Evangelium
Rorate, caeli, desuper, et nubes pluant iustum; aperiatur terra, et germinet Salvatorem.
Amen dico vobis, non surrexit inter natos mulierum maior Ioanne Baptista: qui autem minor est in regno caelorum, maior est illo. 12A diebus autem Ioannis Baptistae usque nunc, regnum caelorum vim patitur, et violenti rapiunt illud. 13Omnes enim prophetae et lex usque ad Ioannem prophetaverunt: 14et si vultis recipere, ipse est Elias, qui venturus est. 15Qui habet aures audiendi, audiat.
Verbum Domini.
